Siglir tar il cuntegn
Inhalt

Chantun Nicola Katharina Kull nova secretaria dal departament da sanadad

La regenza grischuna ha nominà Nicola Katharina Kull sco nova secretaria dal departament en la sparta sanadad. Ella succeda a Gion Claudio Candinas, scriva la regenza.

purtret dalla dunna Nicola Katharina Kull
Legenda: Nicola Katharina Kull, la nova secretaria. MAD

La dunna da 35 onns è creschida si a Turitg. Ella ha lavurà plirs onns en differentas posiziuns directivas da l'economia privata. Suenter in praticum en in biro d'advocatura ha ella acquistà l'onn 2016 la patenta grischuna d'advocata. Actualmain lavura ella sco giurista tar in'interpresa activa sin plaun internaziunal.

La secretaria da departament sustegna il schef dal Departament da giustia, segirezza e sanadad (DGSS) en tut las dumondas tematicas sco er en la gestiun, en l'organisaziun, en la coordinaziun ed en la controlla dal sectur dal departament che pertutga la sanadad.

Nicola Katharina Kull cumenza sia plazza nova l'entschatta december. La fin da november va Gion Claudio Candinas en pensiun.

RR novitads 11:00