Siglir tar il cuntegn

Header

Navigaziun

Pertutgadas èn surtut las regiuns d’Arosa e Bal cun -24%, Mustér/Sedrun -23% e Flem Laax cun -11%.
Legenda: Pertutgadas èn surtut las regiuns d’Arosa e Bal cun -24%, Mustér/Sedrun -23% e Flem Laax cun -11%. Keystone
cuntegn

Chantun Nauscha stad 2015 per il Grischun

La stad 2015 n'è betg stada buna per il turissem grischun. Var 8,7 % pli pauc pernottaziuns ha quai dà, cumpareglià cun la stad da l'onn avant. Cumpareglià cun il rest da la Svizra, ha il Grischun schizunt stuì nudar l'avust il pli grond minus da tut las regiuns turisticas en Svizra.

50'000 pernottaziuns pli pauc che l'onn avant. Quai è la bilantscha da l'avust per il turissem grischun.

Il Grischun perda cunzunt en la fiera tradiziunala cun giasts tudestgs e talians, scriva l'Uffizi per economia e turissem Grischun. Sch'ins guarda sin ils ultims 5 onns datti be in victur en il Grischun, numnadamain la regiun San Bernardino-Mesolcina/Calanca (+29,1%).

Legenda:
Victurs e perdiders tar las pernottaziuns durant ils ultims 5 onns (en %). Uffizi per economia e turissem GR

Minus era per la Svizra

En la Svizra è il dumber da pernottaziuns sa reducì en media per 3,6 % sin 4,1 milliuns pernottaziuns.

Sa reducidas èn surtut las pernottaziuns da turists da l'ester. Là hai dà in minus da 5%. Surtut han mancà ils turists da l'Europa. Tar ils giasts indigens è il dumber da pernottaziuns sa reducì per 1,5%.