Siglir tar il cuntegn
Inhalt

Chantun Naiv, naiv, naiv

Els èn puspè en acziun en l’entir Grischun. Las maschinas da far naiv. Uschè spert sco pussaivel duessan las pistas vegnir alvas. Perquai avain nus accumpagnà Toni Cathomas, il manader tecnic da las pendicularas a Sedrun.

Canun da far naiv.
Legenda: Uschespert che las temperaturas èn sut minus 3 grads, van ils chanuns en acziun. RTR, Gian Carlo Candinas

55 maschinas da far naiv datti sin il territori da skis da Sedrun. Davent dal pass Alpsu fin tar la staziun da val a Dieni. Sin tut las pistas dal territori hai pia maschinas da far naiv. En acziun vegnan ellas dentant mo sche la temperaturas crodan sut minus 3 grads.

Ozendi è far naiv «simpel»

Sche las temperaturas constattan ed ils canuns e las lantschas èn en posiziun, n’è il far naiv betg pli ina gronda chaussa, declera Toni Cathomas, manader tecnic da las pendicularas a Sedrun.

Atgnamain poss jau far naiv artifiziala cun mes telefonin davent dal canapé.
Autur: Toni CathomasManader tecnic da las pendicularas a Sedrun

Chanuns vs. lantschas

Il territori da skis è en possess da chanuns e da lantschas. Sco quai che Toni Cathomas di han omadus indriz ses avantatgs. Cun in chanun vegnan ins da curclar dapli pista. El producescha dapli naiv. Dentant saja la tgira era pli gronda tar in chanun. Ina lantscha è buna tar pistas e vals stretgas. Ella saja en general pli simpla, era tar il mantegniment.

RR actualitad 07:00