Nagins impediments per ils peschs

La regenza grischuna ha decis che pliras ovras electricas ston sanar l'accessibladad dals peschs.

Litgiva sin ina stgala da peschs.

Legenda da maletgs: Pliras ovras electricas grischunas ston facilitar l'access per ils peschs. Keystone

Pertutgadas èn mintgamai ina tschiffada d'aua da l'Energia alpina, da l'Energia Engiadina, da la vischnanca da Malans e da las Ovras electricas Beiva.

En il chantun Grischun hai 153 obstachels en auas da peschs pervia d'ovras electricas, per 65 da quels è vegnì diagnostitgà in basegn da sanaziun.

La nova lescha federala davart la protecziun da las auas pretenda che l'accessibladad dals peschs vegnia restabilida en ils flums svizzers. Obstachels ch'impedeschan essenzialmain la migraziun dals peschs ston vegnir sanads.

Uschia èn ils chantuns obligads tenor lescha da planisar – tar ovras idraulicas existentas – mesiras che las societads d'ovras electricas ston realisar.

RR novitads 10:00