Nagina lingia d'auta tensiun tras nov tunnel d'Alvra

Il nov tunnel da l'Alvra n'è betg adattà sco traject per ina lingia da d’auta tensiun. Il gestiunari da la rait electrica Swiss Grid n'haja nagin interess vi d'ina tala lingia, ha ditg il directur d'energia Mario Cavigelli sin ina dumonda dal Cussegl grond.

In pitschen tunnel da colliaziun tranter il vegl ed il nov tunnel.

Legenda da maletgs: Giasts fotografeschan in tren en il vegl tunnel en in pitschen tunnel da colliaziun tranter il vegl ed il nov tunnel. Keystone, Archiv

L'opziun saja però averta da duvrar pli tard il tunnel vegl per ina nova lingia d’auta tensiun.

Il vegl tunnel da l’Alvra duai en il futur numnadamain betg pli duvrà per il traffic cun trens, mabain mo sco tunnel da segirtad. Las premissas da planisaziun vegnian preparadas, uschia Cavigelli.

RR novitads 11:00