Nagin «schoc» da segundas abitaziuns

L'economia da construcziun en il Grischun ed Vallais ha bain patì da las consequenzas da l'iniziativa da segundas abitaziuns – la catastrofa ch'ils adversaris avevan però annunzià il 2012 n'hai betg dà.

Chasa en construcziun.

Legenda da maletgs: La branscha da construcziun è s'adattada a las novas circumstanzas. Keystone

En il Grischun sa concentreschia l'activitad entant però surtut sin la construcziun bassa, las regiuns dal nord e la vallada dal Rain. Quai ha ditg Andreas Felix, il mainafatschenta da la Societad grischuna dals impressaris constructurs, envers l'agentura da novitads SDA. Er las incumbensas dal chantun hajan gidà da tegnair las investiziuns suenter l'iniziativa sin in aut nivel.

En tschertas regiuns turisticas sajan las consequenzas bain stadas drasticas per insaquantas firmas. Questas firmas hajan stuì s'orientar da nov.

Sumegliant guarda quai er or en il Vallais. Er qua èn las activitads da construcziun sa concentradas sin novas regiuns.

RR novitads 12:00