Siglir tar il cuntegn

Header

cuntegn

Museum d'art Portas s'avran cun exposiziun annuala

Usitadamain ha l'exposiziun annuala lieu mintgamai il schaner – dentant pervia dal lockdown è ella vegnida spustada. Davent dals 2 enfin ils 28 mars pon ins guardar ovras da 46 artistas ed artists dal Grischun, messas ensemen tar in bouquet dal directur Stephan Kunz. Per exempel beneventa ins en l'emprima stanza da l'exposiziun ina sculptura da Giro Annen, «ch'el ha furmà or da ses atelier, vul dir el ha resgià en tocca ses regals e mess ensemen els tar ina chaussa abstracta, insatge tranter animal e planta», descriva il directur l'object. En in'autra stanza s'entaupan ina fotografia da Florio Puenter, dissegns da rispli e tenta da Mirko Baselgia cun in bratsch da fier in zic inquietant da Sara Masüger.

Interessant è, che be duas da las ovras tractan corona. La gronda part da las lavurs n'illustrescha betg la pandemia.

audio
Museum d'art GR: il program da l'onn
03:19 min, Actualitad dals 01.03.2021.
laschar ir. Durada: 03:19 minutas.

Premi per il duo Frölicher/Bietenhader

Dus artists han survegnì en l'exposiziun ina stanza be per els – ils victurs dal premi da l'Uniun grischuna d'art Selina Frölicher e Micha Bietenhader. Els illustreschan l'instabilitad da la tecnologia e mettan il focus sin sias ruttadiras – la basa da lur installaziun èn videos vegls ch'il temp ha decumposiziunà. Vul dir: colurs ubain pixels mancan. Quels maletgs han els squitschà sin surfatschas da plexiglas transparentas e furmà tar novs objects.

Tura virtuala tras il museum

Cur che corona ha sfurzà ils museums da serrar lur portas ha RTR realisà turas virtualas da 360 grads per purtar in zic cultura a chasa e per dar ina invista en ils museums dal chantun Grischun. Er en il museum d'art essan nus stads.

Selina Fröhlicher e Micha Bietenhader han gudagnà il premi da l'uniun grischuna d'art ed exponan lur lavur en il museum d'art.
Legenda: Ils artists Selina Fröhlicher e Micha Bietenhader han gudagnà il premi da l'uniun grischuna d'art ed exponan lur lavur en il museum d'art. RTR

Tura virtuala tras il museum d'art

RTR actualitad 17:00

Artitgels legids il pli savens

Scrollar a sanestra Scrollar a dretga