Siglir tar il cuntegn
Inhalt

Chantun Museum d'art Cuira: Inserat procura per ulteriur squitsch

Cun tschients da suttascripziuns fa in inserat squitsch en favur dal ex-directur dal Museum d'art grischun Stephan Kunz.

Museum d'art a Cuira.
Legenda: Museum d'art a Cuira. RTR

Il squitsch sin il chantun pervi dals virivaris tar il Museum d'art grischun resta - uss cun in inserat da duas paginas en las gasettas grischunas dad oz.

Foto dal inserat en la SO.
Legenda: Cun quest inserat vegn fatg squitsch sin il chantun. RTR,Corina Luck

L'inserat publitgà tant en il Bündner Tagblatt sco en la Südostschweiz pretenda da la regenza grischuna che Stephan Kunz restia directur dal Museum d'art grischun. Ed ils problems structurals e finanzials dal museum sajan da schliar a moda constructiva.

L'inserat da l'acziun BKM - Bündner Kunstmuseum - cuntegna 600 suttascripziuns.

Demo a Cuira

Ils 22 da zercladur han 150 enfin 200 persunas prendì part a la demonstraziun nua ch'il chantautur e co-iniziant da l'acziun «Kunzt first» Linard Bardil pretendì ch'i vegnia fatg urden en l'Uffizi da cultura. Tranter auter èn sa radunadas persunas enconuschentas da la scena d'art grischuna, ma era internaziunala.

«Uschia na pon ins betg communitgar»

Crititga aveva chaschuna la moda e maniera sco Martin Jäger aveva haja communitgà las midadas en la direcziun dal Museum d'art dal Grischun. El haja segir gì ses motivs per remplazzar il directur dal museum d'art Stephan Kunz. La communicaziun saja dentant stada manglusa – dian plirs politichers. Cunquai ch'el naja betg declerà sia decisiun, vegnia ussa speculà tant pli fitg.

RR novitads 06:00