Siglir tar il cuntegn

Header

audio
Intervista cun Johannes Flury davart il futur da la Lia Rumantscha
Or da Actualitad dals 04.06.2020.
laschar ir. Durada: 5 minutas 34 Secundas.
cuntegn

Midada Lia Rumantscha Johannes Flury: «Jau hai badà che la chargia daventa greva»

Per il president da la Lia Rumantscha Johannes Flury n'èsi betg stà surprendent che Martin Gabriel dat giu ses post da secretari general. Entras in barat stretg hajà el badà che manar e diriger glieud na saja betg quai ch'interesseschia Gabriel, quai haja fatg greva la chargia.

Ins na possia betg dir tge ch'haja la finala manà a la decisiun da Martin Gabriel da chalar sco secretari general. Ord punct da vista da Johannes Flury na possian ins betg discurrer d'in crap da stgarpitsch, mabain forsa da divers pitschens crappels. Els hajan badà che Gabriel perda la motivaziun.

I dovra insatgi che sa manar ed ir enturn cun critichers

Uschia ha la Lia Rumantscha d'ir a la tschertga d'in nov u ina nova secretaria generala. Quai saja ina sfida, conceda Johannes Flury envers RTR. I dovria ina persuna cun bler plaschair per la lingua rumantscha, ina allroundra cun ina buna rait. Ma ins stoppia betg savair tut da l'entschatta. Flury sa er metter avant da collavurar cun ina persuna giuvna che emprenda zic a zic, l'impurtant saja il plaschair per il rumantsch.

RTR actualitad 17:00

Artitgels legids il pli savens