Siglir tar il cuntegn

Header

Navigaziun

5 camiuns parcads in sper l'auter.
Legenda: Anc mancan avunda zonas da spetga per camiun en il Grischun. I dat dentant moviment en chaussa. RTR, U.Lechmann
cuntegn

Chantun Memia paucas zonas da spetga per camiuns

En il Grischun datti memia paucas zonas da spetga per camiuns, quai tenor l'avis da l'ASTRA, l'Uffizi federal da vias, ch'el ha già publitgà avant 3 onns. Anc n'è betg sa midà bler en il Grischun.

Fin la fin dal 2014 avessan stuì esser realisadas almain duas da las quatter zonas che l'ASTRA ha proponì en in concept. I haja dà retards en la planisaziun pervi da recurs ed era pervi da dumondas da finanzas, uschia hai num davart l'uffizi federal. Ussa pari dentant da dar moviment en chaussa. Il pli lunsch èn ins ussa cun la zona da spetga giudem la Mesolcina, nua che las lavurs per il sviament da Roveredo èn en il plan. Uschia vai era vinavant cun la plazza da spetga per camiuns.