Siglir tar il cuntegn

Header

Uffants sin ina ballabaina.
Legenda: Il post per l'egualitad da las schanzas dal Grischun ha lantschà il project "Structuras favuraivlas per famiglias sco factur da success". Keystone
cuntegn

Chantun Meglierar cundiziuns da lavur per lavurers cun famiglia

En il Grischun duain las cundiziuns da lavur per lavureras e lavurers cun famiglia vegnir meglieradas, quai è la finamira d’in project da 3 onns ch’è vegnì preschentà a Glion.

El porta il num “Structuras favuraivlas per famiglias sco factur da success” ed è vegnì lantschà dal Post per l’egualitad da las schanzas dal chantun Grischun.

Dapli cumpetitivadad

La finamira da quel è tranter auter d’augmentar la cumpetitivitad sin il martgà da lavur d’interpresas pitschnas e mesaunas en regiuns periferas. Al project sa participeschan 9 interpresas ord las regiuns Grischun Central, Surselva e Viamala.