Siglir tar il cuntegn

Header

Video
Ils megliers emprendists svizzers sa preparan per il campiunadi mundial
Or da Actualitad video dals 18.01.2015.
abspielen
cuntegn

Chantun Mastergnants giuvens sa preparan sin campiunadi mundial

Ils 11. – 16 d’avust 2015 ha lieu a Sao Paulo en Brasilia il campiunadi mundial da mastergnants. Giuvens e giuvnas fin 22 onns sa mesiran en lur professiun – da l’ortulan, la flurista ed il cuschinier enfin tar la cosmeticra, il polimecanist e la vernischadra d’auto.

La davosa fin d’emna è la delegaziun svizra sentupada a Tavau. Quai per survegnir infurmaziuns davart il campiunadi mundial, per emprender d'enconuscher in l’auter ed era per laschar far fotografias.
La Svizra vegn represchentada a Sao Paulo da 40 mastergnants e mastergnantas, quai en 38 differentas clamadas.

Purtret da Tizian Ulber.
Legenda: Tizian Ulber. RTR, G. C. Candinas

Er in Grischun a Sao Paulo

Tranter las 40 persunas è era in Grischun, numnadamain Tizian Ulber da Lantsch. Il polimecanist da 21 onns fa part en la categoria CNC fresar. Sia gronda finamira al campiunadi mundial saja simplamain da dar tut. Sch’i tanschia perfin per ina medaglia, saja quai sensaziunal.