Siglir tar il cuntegn

Chantun Martin Vincenz nov CEO da Grischun Vacanzas

Martin Vincenz surpiglia l'emprim da settember ses nov post sco directur da Grischun Vacanzas. Suenter che Gaudenz Thoma aveva bandunà Grischun Vacanzas l'avust passà aveva la suprastanza occupà il post ad interim.

Legende: Video Grischun Vacanzas ha in nov directur: Martin Vincenz abspielen. Laufzeit 2:18 Minuten.
Or da Telesguard dals 15.04.2016.

Martin Vincenz è il nov directur da Grischun Vacanzas. Il Sursilvan da 53 onns è il mument anc pledader da medias da l'Ospital chantunal dal Grischun e surprenda ses nov post l’emprim da settember. Las sfidas èn grondas per il nov CEO. El sa però gia ussa, tge ch’è l’impurtant per el: Cunzunt la collavuraziun cun las destinaziuns e cun ulteriurs purtaders da prestaziun.

I va mo ensemen. Ina da mias finamiras è da pudair collavurar fitg stretg oravanttut cun las destinaziuns, ils hotels, las pendicularas... simplamain tut quels che fan il turissem e che fan ils products.
Autur: Martin VincenzCEO, Grischun Vacanzas

Dapi l'avust passà nagin CEO

L’avust passà, cura che Gaudenz Thoma era partì sco CEO aveva Grischun Vacanzas occupà il post ad interim. Ussa èsi grategià da chattar cun il Sursilvan in nov directur. Martin Vincenz ha gia lavurà en il turissem, tranter auter è el stà directur dad Arosa Turissem.

Tema è il fallì pled, ma respect è adina qua, cura ch'ins ha ina sfida. Respect è insatge bun; lura èn ins pli attents.
Autur: Martin VincenzCEO, Grischun Vacanzas


Avant 20 onns…

…era Martin Vincenz vegnì tschernì sco directur dad Arosa Turissem. Uschia tunava el da lezzas uras:

Martin Vincenz

Martin Vincenz ha 53 onns ed è stà dal 1992 fin il 1996 vicedirectur da Grischun Vacanzas e dal 1996 fin il 2000 directur dad Arosa Turissem. Dal 2000 fin il 2007 è Martin Vincenz stà mainagestiun d'ina agentura da communicaziun. Sper quai ha el manà durant 10 onns il festival da humor ad Arosa. Actualmain è el pledader da l'Ospital chantunal.