Chantun - Martin Bühler nov manader da l’uffizi militar
La regenza grischuna ha elegì Martin Bühler sco nov manader da l'Uffizi da militar e da protecziun civila. Bühler ha 40 onns ed è commember da la direcziun da la Scola auta da pedagogia dal Grischun.
Avant ha Martin Bühler lavurà sco manader da project tar las «Relaziuns internaziunalas Defensiun». Sia carriera militara ha el fatg tar ils grenadiers. El è maior en il stab general.
Martin Bühler daventa successur da Hans Gasser che va en pensiun per la fin d'october 2016 suenter esser stà engaschà 25 onns sco manader da l'uffizi.
