Il fain è madir e la bell'aura è finalmain arrivada en il Grischun. Cunquai ch'ils meteorologs n'empermettan betg ina lunga fasa da bell'aura ston ils purs dar chommas cun metter il fain sut tetg. Suenter tut questa plievgia n'èsi dentant betg uschè simpel da segar. Ins sto esser precaut ed ir mo plaun cun las maschinas per ch'i na dettia betg donns en il prau. Il fain dovra er pli ditg da sientar.
Questa situaziun n'è dentant betg nova. Ella serepeta adina puspè. L'onn 2011 e l'onn 2014 restan probabel en buna memoria als purs.