Siglir tar il cuntegn

Header

Navigaziun

Cun mantegnair ils bajetgs duai a medem mument er il maletg da la cuntrada vegnir conservà.
Legenda: Cun mantegnair ils bajetgs duai a medem mument er il maletg da la cuntrada vegnir conservà. Keystone
cuntegn

Chantun Mantegnair il maletg da la cuntrada en Grischun

Il maletg da la cuntrada grischuna è caracterisà fermamain d'aclas. Tenor il chantun duai quai er restar uschia. La regenza grischuna ha per quest intent inoltrà a la Confederaziun in'iniziativa chantunala che vul lubir da far abitaziuns ord chamonas e stallas veglias ordaifer la zona da bajegiar.

Sche edifizis duvrads anteriuramain per intents agriculs na servan betg pli a lur intent oriund e na pon betg vegnir duvrads per auters intents, van els en decadenza. Lur proprietarias e proprietaris n'hajan per regla nagin interess da mantegnair in edifizi che n'als serva betg pli, scriva il chantun.

Midar utilisaziun dals bajetgs

Tras la pussaivladad da midar l'utilisaziun duain vegnir garantids tant il maletg da la cuntrada sco er il mantegniment da la valur da quests edifizis e stabiliments. Cun l'iniziativa dal chantun duai ultra da quai vegnir cuntanschì che la planisaziun dal territori prendia dapli resguard sin las differenzas fundamentalas dals singuls chantuns.

L'iniziativa

L'iniziativa dal chantun pretenda che la garanzia da possess d'edifizis ordaifer la zona da construcziun en la lescha federala davart la planisaziun dal territori vegnia extendida. Edifizis dal dretg vegl che na vegnan betg pli duvrads per intents agriculs (uschenumnadas aclas) duain pudair vegnir transfurmads moderadamain per intents d'abitar, tant enavant che lur identitad vegn mantegnida.

RR novitads 12:00