Siglir tar il cuntegn
Inhalt

Chantun Mai laschar ils uffants en l’auto da chalira

Durant la fasa da chalira pateschan blers. Ed inqualin sa dumonda segir era co proteger ils uffants pitschens da la chalira. Christian Mann, vice-schefmedi a l’ospital chantunal, avertescha surtut da laschar adatg cura ch’ins è sin viadi cun l’auto.

Sez d'uffants avant in auto.
Legenda: Baiver bler e betg laschar ils uffants en l'auto durant ils dis da chalira. Keystone

Mai laschar ils uffants en l’auto, per exempel durant ina cumpra en ina stizun, era sche quai cuzza sulettamain intginas minutas. La temperatura en l’auto s’augmentia numnadamain enorm spert avertescha Christian Mann.

Ch’ins duai baiver bler, e quai vala era per ils uffants, è enconuschent. Il meglier è da baiver aua. Impurtant è dentant era ch’il corp survegna sal e zutger. Perquai cusseglia il medi da maschadar Coca Cola cun in mez tschadun sal. Bun per il corp sco prevenziun d’ina chalirada saja in buglion fraid.