Siglir tar il cuntegn
cuntegn

Chantun Lufs mitschan bain

Oz scada la lubientscha per sajettar ils dus lufs giuvens dal triep dal Calanda. Els n'èn dentant betg vegnids sajettads.

xxx
Legenda: Il december passà aveva il Cussegl federal lubì da sajettar 2 animals giuvens per uschia pudair scurrentar il triep. Keystone

La lubientscha da sajettar ils lufs è stada colliada cun restricziuns severas. Els avessan mo dastgà vegnir sajettads en vischinanza d'abitadis, dal temp ch'ils umans èn activs e mo sch'il triep fiss stà ensemen.

Tenor la «Gruppa Luf Svizra» na saja quai dentant maina stà il cas. Quai demussia ch'il triep na sa cumportia betg a moda problematica e ch'ils lufs sajan in pseudo-problem.

L'Uffizi chantunal da chatscha prenda posiziun il venderdi en chaussa.

RR novitads 12:00