Legenda:
Leta Semadeni survegn il premi Guggenmoos per lirica d'uffants.
Keystone
Il cudesch Tulpen/Tulipanas haja simplamain striunà la giuria, communitgescha l'Academia tudestga Josef Guggenmoos. Leta Semadeni ch'è naschida il 1944 a Scuol, ha studegià linguas a l'Universitad da Turitg, a Perugia ed a Quito en l'Ecuador. Ella ha dà scola a Turitg ed en l'Engiadina. Dapi il 2005 sa deditgescha ella cumplettamain al scriver, publitgescha prosa e poesias per rumantsch e tudestg. Ses emprim roman, Tamangur è vegnì onurà il 2016 cun il Premi da litteratura svizzer. Il 2017 ha Semadeni survegnì il Premi da cultura dal chantun Grischun per sia ovra da la vita.
Il premi Guggenmoos, ch'è dotà cun 3'000 euros è vegni surdà il 2016 l'emprima giada da l'Academia tudestga per litteratura d'uffants e giuvenils.
RTR novitads 17:00