Siglir tar il cuntegn

Header

cuntegn

Chantun Limita d'uffizi per deputadas e deputads

Tuttina sco tar la regenza duai il temp d’uffizi da deputadas e deputads dal Cussegl grond vegnir limità. Quai pretenda il deputà burgaisdemocratic da Cuira Oliver Hohl.

Per la regenza e per differents gremis communals, chantunals e federals valia gia ina limita – dentant betg per deputadas e deputads. Gist per promover dapli politichers giuvens fissia quai dentant d’avantatg, argumentescha Oliver Hohl sia idea.

En la sessiun da december ha el inoltrà in'incumbensa suttascritta da 55 deputadas e deputads da differentas partidas. La regenza vegn uss a sclerir sia posiziun, communitgar sia resposta e lura decida il Cussegl grond schebain l'idea vegn realisada u betg.

Cun 24 onns è la deputada Nicoletta Noi-Togni (independenta, San Vittore) il pli ditg en il Cussegl grond, lura suonda cun 21 onns Urs Hardegger (PBD, Seewis).

RR novitads 17:00

Artitgels legids il pli savens