Siglir tar il cuntegn

Header

cuntegn

Lia Rumantscha Radunanza da delegads giubilara en armonia

Exact avant 100 onns è la Lia Rumantscha vegnida fundada. La radunanza giubilara da delegads è stada armonica. Ins ha approvà tut las tractandas.

Cun approvar il quint annual ha la Lia Rumantscha dà glisch verda a la Fundaziun Medias Rumantschas (FMR). Il project FMR n'è uss betg pli en ils mauns da la Lia Rumantscha, mabain en quels da la fundaziun cun la presidenta Corina Casanova ed il nov schefredactur David Truttmann.

Program ed activitads 2020 cun focus clers

Per las activitads 2020 è vegni mess il focus sin divers puncts: la collavuraziun tranter Lia Rumantscha ed il chantun Grischun, la giuventetgna e l'integraziun da las Rumantschas e dals Rumantschs en la diaspora.

Digitalisaziun en il center

In ulteriur punct impurtant per l'onn che vegn è la digitalisaziun. Il mument èn la Lia Rumantscha e la Pro Svizra Rumantscha vid elavurar in project per ina Rumantschia digitala. Uschia duajan las plattafurmas rumantschas d'infurmaziun e furmaziun vegnir unidas.

RR novitads 17:00