Far cripto-munaida è in grond boom e da quel vul era il Grischun profitar. Sco la «SonntagsZeitung» scriva carmalia il chantun firmas da cripto-munaida cun rabats fiscals generus. L'administraziun da taglia dal Grischun menziunescha en ina brev ad ina tala firma in levgiament da taglia da 100 pertschient per ils emprims dus onns, suenter che la firma è vegnida fundada. Ed auts rabats da taglia duaja er anc dar pli tard.
Bancs teman conflicts cun la lescha
Interess da vegnir en il Grischun ha la branscha da cripto-munaida tranter auter - perquai che la forza electrica è bunmartgada en blers lieus. In impediment per talas firmas èn dentant las bancas. Ellas èn scepticas vers la nova branscha ed han per part desditg a las firmas tut las relaziuns da fatschenta. Las bancas teman surtut conflicts en connex cun la lescha davart la lavada da daners suspectus.
RR novitads 10:00
