Siglir tar il cuntegn

Header

Navigaziun

Ina classa da scola rumantscha durant l'instrucziun da franzos. La scolasta mussa insatge alla tavla.
Legenda: La lescha da lungatgs duai restar cumpetenza dals chantuns. mad
cuntegn

Chantun Lescha da linguas duai restar en ils mauns dals chantuns

La regenza Grischuna propona dentant da far amogna ina terza lingua naziunala sco rom facultativ.

Ils chantuns duain restar responsabels per las linguas da scola. La regenza grischuna ha prendì posiziun tar la proposta co midar la lescha da linguas da la Confederaziun. Da las trais variantas proponidas sustegn la regenza quella che lascha las pli grondas libertads als chantuns.

Varianta 3 +

Ultra da quai vul la regenza grischuna pudair porscher als scolars dal stgalim superiur ina terza lingua naziunala sco rom facultativ. Uschia vul la regenza rinforzar il rumantsch ed il talian.
La raschun per la midada en la lescha da linguas è che singuls chantuns mettan en dumonda ina segunda lingua naziunala sin stgalim primar.

La varianta 3 cuntegn in artitgel cun il text: L'instrucziun en in segund liunguatg naziunal cumenza en la scola primara e dura enfin la fin dal temp da scola obligatoric.