Siglir tar il cuntegn
Inhalt

Chantun Legislaziun executiva tar la refurma dal territori

En sia ultima sesida ha la regenza grischuna approvà ordinaziuns en il rom da la legislaziun executiva tar la refurma dal territori.

Cudeschs davart la scussiun ed il concurs.
Legenda: La regenza relascha l'ordinaziun tar la lescha introductiva tar la lescha federala davart la scussiun ed il concurs Keystone

En il rom da la legislaziun executiva tar la refurma dal territori approvescha la regenza la revisiun parziala da l'ordinaziun davart il notariat e relascha l'ordinaziun tar la lescha introductiva tar la lescha federala davart la scussiun ed il concurs.

Questas duas ordinaziuns cuntegnan tranter auter las premissas d'elegibladad per las notaras regiunalas ed ils notars regiunals sco er per las funcziunarias ed ils funcziunaris da scussiun e da concurs. Uschia vegnan per exempel descrittas pli detagliadamain las pretensiuns persunalas e professiunalas.

Plinavant approvescha la regenza la revisiun parziala da l'ordinaziun chantunala davart il stadi civil. Qua sa tracti en emprima lingia d'ina adattaziun al dretg federal sco er d'ina adattaziun dals circuls da stadi civil a la refurma dal territori.

RR novitads 10:00