Siglir tar il cuntegn

Header

video
SO e BT cun be ina redacziun – Hanspeter Lebrument sa declera
Or da Telesguard dals 30.01.2018.
laschar ir. Durada: 2 minutas 30 Secundas.
cuntegn

Chantun Lebrument: «Pass necessari per spargnar»

Las gasettas quotidianas tudestgas grischunas, Südostschweiz e Bündner Tagblatt, han en l'avegnir anc ina redacziun communabla. Quai scriva la chasa editura Somedia sin sia pagina d'internet.

  • lavurs da planisaziun cumenzan uss
  • realisaziun sin il mez d'avrigl da quest onn
  • er en l'avegnir datti duas gasettas
  • probablamain vegni reducì plazzas

Cun ina redacziun communabla saja pussaivel da spargnar custs e da nizzegiar sinergias. Pli paucas lecturas e pli paucs lecturs ed er adina pli paucs inserats sforzian las gasettas quotidianas da s'adattar ed optimar ils custs, uschia argumentescha la chasa editura.

Igl è ina dumonda da sinergias e dad optimar custs. Nus savain tuts che las medias èn sut squitsch. Perquai stuain nus prender mesiras che fan uschè pauc mal sco pussibel.
Autur: Andrea MasügerCEO da Somedia

Edir duas gasettas quotidianas en il Grischun cun duas redacziuns separadas saja adina pli difficil da finanziar. Ord quai motiv vegnia la Somedia a producir en l'avegnir las gasettas «Bündner Tagblatt» e «Südostschweiz» cun ina redacziun communabla.

Vinavant duas gasettas

Ils dus titels vegnan mantegnids, empermetta Somedia. La cumpart da las parts redacziunalas cuminaivlas vegnia engrondida. Ils layouts s'orienteschian al caracter classic d'ina gasetta quotidiana.

audio
Saira: Somedia – SO e BT van ensemen
ord Actualitad dals 30.01.2018.
laschar ir. Durada: 2 minutas 7 Secundas.

Nova schefredacziun

La nova redacziun ch'è anc da furmar sa cumpona da collavuraturas e collavuraturs da las redacziuns da fin uss. Las persunas vegnan nominadas ils proxims mais. La schefredactura Martina Fehr (Südostschweiz) ed il schefredactur Luzi Bürkli (Bündner Tagblatt) han omadus in sez en la nova schefredacziun. Las mesiras planisadas vegnan ad avair consequenzas per las plazzas. Ina reducziun da plazzas en las redacziuns sco er en las partiziuns tecnicas saja pussaivla.

Il nov concept da gasetta vegn ad esser realisà l'avrigl. Lura cumparan las duas gasettas en furma adattada e pli frestga, scriva l'interpresa.

aspect sin las gasettas Südostschweiz e Bündner Tagblatt
Legenda: Uschia pudessen ils novs frontispizis vesair ora en l'avegnir. visualisaziun, Somedia

La «Südostschweiz» ed il «Bündner Tagblatt»

14.01.1984Il «Bündner Tagblatt» vegn cumprà da la Stampa Romontscha
09.01.1986
Futur intschert per il «Bündner Tagblatt» – Problems finanzials
08.11.1986Futur intschert per il «Bündner Tagblatt» – Christoph Blocher surpiglia maioritad da las aczias
24.06.1996La «Bündner Zeitung» ed il «Bündner Tagblatt» collavuran cun ils inserats e la stampa
10.03.2006
Las redacziuns da sport da la «Südostschweiz» ed il «Bündner Tagblatt vegnan fusiunadas
03.05.2006
L'emprima «Südostschweiz am Sonntag»
25.09.2009
Mesiras da spargn perquai che la gruppa da medias «Südostschweiz» n'ha betg avunda entradas tras reclama
30.08.2013
Il «Bündner Tagblatt» survegn in nov layout
03.10.2013Nova chasa da medias per la «Südostschweiz»
20.01.2015La «Südostschweiz» survegn in nov layout
24.10.2017
«Somedia» e «Basler Zeitung vulan collavurar
26.01.2018Collavuraziun tranter «Somedia» e «Basler Zeitung va da la glatscha giu
30.01.2018
«Bündner Tagblatt» e «Südostschweiz» cun redacziun communabla

RR novitads 11:30

Artitgels legids il pli savens