Siglir tar il cuntegn

Header

Navigaziun

La sedia principala da la Hilcona a Schaan en il Principadi da Liechtenstein.
Legenda: La sedia principala da la Hilcona a Schaan en il Principadi da Liechtenstein. Keystone
cuntegn

Chantun Landquart: Frostag vegn surpigliada da Hilcona

La producenta da tratgas pre-cuschinadas Hilcona surpiglia la firma grischuna Frostag a Landquart – cun ils 118 collavuraturs ed il management. Quai ha communitgà la gruppa Bell, la gruppa mamma da la Hilcona.

Cun ses 118 emploiads producescha la Frostag Food-Centrum AG a Landquart pasta e products vegetarics. La svieuta annuala munta a passa 10 milliuns francs. La Frostag vegnia manada vinavant sco interpresa autonoma entaifer la Hilcona SA. La cumpra ha valur retroactiva – quai vul dir che la Frostag tutga dapi il emprim da schaner 2017 tar la Hilcona.

Project da «center da cumpetenza vegetarica» a Landquart

La Hilcona haja gia collavurà dapi onns cun la Frostag e saja stada participada enfin qua cun 10% vi da l’empraisa grischuna. Cun surprender uss tut l’interpresa veglia la Hilcona augmentar en emprima lingia ses sortiment vegetaric. I saja planisà da far dal lieu d'interpresa Landquart in «center da cumpetenza vegetarica», scriva la gruppa Bell en sia communicaziun.

Davart las modalitads da la cumpra han ils pertutgads decidì da na vulair communitgar nagut.

RR novitads 10:00