Siglir tar il cuntegn

Header

Navigaziun

cuntegn

Chantun La stgiradetgna dal sulegl da Falera anora

La stgiradetgna dal sulegl, ch'è tar nus ina stgiradetgna parziala, datti perquai che la glina, il sulegl e la terra èn sin la medema lingia. Pli en il nord ch'ins va e pli datiers ch'ins vegn dad ina stgiradetgna totala. Quai è per exempel il cas en Norvegia, las Inslas da Färöer e l'Islanda.

Legenda: Guardar il video La stgiradetgna dal sulegl fascinescha. Durada 01:07 minutas.
Or da Actualitad video dals 20.03.2015.

Ils 20 da mars a las 09:22 cumenza la glina a sa metter tranter la terra ed il sulegl. En il Grischun èsi uschia da vesair ina stgiradetgna parziala dal sulegl a las 10:30, quai per radund 6 minutas. A las 11:45 è il sulegl lura puspè da vesair cumplettamain.

Proteger ils egls

Guardar en il sulegl senza proteger ils egls è privlus. Ordvart privlus èsi cunzunt da guardar en il sulegl cun perspectivs, objectivs da cameras u telescops, che n’èn betg equipads cun filters cunter il sulegl. Jose de Queiroz, il manader da l'observatori Mirasteilas a Falera, cusseglia da cumprar tals filters ad uras per pudair observar la stgiradetgna dal sulegl.

Legenda: Guardar il video Stgiradetgna dal sulegl. Durada 02:46 minutas.
Or da RTR dals 21.03.2015.