Siglir tar il cuntegn

Header

Navigaziun

Il bajetg da l'ospital chantunal a Cuira.
Legenda: L'ospital chantunal a Cuira sto forsa stritgar la scola per ils uffants malauns. RTR, R. Müller
cuntegn

Chantun La scola en l'ospital chantunal è en privel

Ella na vegnia betg sustegnida avunda da las vischnancas. Senza questa instrucziun pudessan uffans manchentar in'entir onn da scola perquai ch'els na vegnan betg pli da suandar l'instrucziun en lur scola.

Il directur da l'ospital chantunal, Arnold Bachmann ha crititgà che l'instrucziun en la scola da l'ospital na vegnia betg sustegnida da las vischnancas. A chaschun da la radunanza da delegads da la corporaziun da vischnancas «regiun d'ospitals Cuira Vallada dal Rain» di Bachmann che la scola stuessi vegnir finanziada da las vischnancs. Bleras vischnancas na sajan dentant betg prontas da pajar. Ellas na sajan betg responsablas. E quai che faschaia il pli vilà a Bachman saja ch'i sa tractia mo da 66'000 francs ad onn che nagin saja promt da surpigliar.

Uffants ch'èn cronicamain malsauns ed èn adina puspè en l'ospital han il dretg da vegnir instruids en l'ospital. Uschiglio manchentassan quests uffants memia bler da l'instrucziun durant l'onn da scola.