Siglir tar il cuntegn
Inhalt

Chantun La Retica transportescha 4,5% damain passagiers

La Viafier retica ha transportà damain passagiers l’onn passà. Cumpareglià cun l’onn da giubileum 2014 è il dumber sa reducì per 4,5% sin 9,4 milliuns. Las entradas tar il traffic da persunas sajan en consequenza idas enavos da 97,7 milliuns sin 93,8 milliuns francs, communitgescha la Retica.

Legenda:
Gudogn da la Viafer retica Il gudogn en millis CHF. Viafier retica

Tar il transport d’autos èsi vegnì registrà in minus da 1,2% cun 467’000 vehichels. Creschì è perencunter il traffic da rauba. Grazia a la midada da strategia e l’optimaziun dal material rudlant haja la svieuta surpassà las cifras da l’onn 2014 per bunamain 1 milliun sin 14,1 milliun francs.

Il tunnel da l'Alvra.
Legenda: Il tunnel da l'Alvra. Keystone

Sut il stritg noda la Viafier retica uschia in gudogn da 136’000 francs, quai ch’è in augment da 50’000 francs. Contribuì al resultat positiv, hajan surtut las fatschentas secundaras cun immobiglias.

Investiziuns da passa 200 milliuns

L’onn passà ha la Retica fatg investiziuns da 214 milliuns francs. Sulet per la renovaziun da l’infrastructura, tranter auter per il project dal tunnel da l’Alvra, èsi vegnì impundì 56 milliuns.

Per far il proxim pass stuain nus vinavant optimar ils custs e generar dapli passagiers.
Autur: Christian Florindirectur substitut da la VR

Dumber dals passagiers è sa reducì

Legenda:
Passagiers da la Viafer retica Viafier retica

Per quest onn spetga la Viaifer retica nagina midadas fundamentalas quai che pertutga la situaziun economica. Ella crai però a media vista ch’il turissem sa revegnia plaunsieu en il Grischun. Per far il proxim pass enavant, stoppia la viafier però optimar vinavant ils custs e generar dapli passagiers, uschia Christian Florin, il directur substitut da la Retica.

RR novitads 12:00