Siglir tar il cuntegn

Chantun La regenza sustegna vinavant projects da mantegnair ruinas

Ella metta a disposiziun 1,75 milliuns francs per lavurs da sanaziun e mantegniment.

Ruina da Tschanüff a Ramosch.
Legenda: Ruina da Tschanüff a Ramosch. MAD

Ils daners per questas lavurs vegnan da la finanziaziun speziala da la lottaria naziunala. Ils pajaments annuals vegnan fixads sin maximal 350'000 francs. Davart las dumondas per credits per ils singuls objects decida il Departament d'educaziun, cultura e protecziun da l'ambient.

Project vegn manà enavant

Il project antecessur ha cuzzà dal 2007 fin il 2017, quai en duas etappas. Cun 4,73 milliuns èn vegnids realisads 32 projects per mantegnair ruinas. Quels hajan mussà che questa finanziaziun saja effizienta e che quella mainia ad ina finamira. Plinavant scriva la regenza grischuna ch'il basegn da sanar bajetgs ruinus saja anc adina avant maun.

RR novitads 09:00