Siglir tar il cuntegn
Inhalt

Chantun La regenza refusa rinforzament da la «Lex Koller»

D'ina proposta plain dischavantatgs ed uschia inacceptabla, discurra la regenza grischuna en connex cun la revisiun da la Lex Koller.

Purtret d'in bajetg en construcziun.
Legenda: La revisiun da la «Lex Koller» pudess puspè avair consequenzas fatalas per il chantun. Perquai refusa la regenza grischuna quella. Keystone

La proposta dal Departament federal da giustia co reveder la lescha davart l'acquist da bains immobigliars tras persunas a l'ester, disturbassi il svilup economic e turistic dal chantun Grischun, scriva la regenza. Suenter l'iniziativa cunter las abitaziuns secundaras avessan talas regulaziuns danovamain consequenzas fatalas per il chantun Grischun.

Cun la revisiun da la lescha dessi novas restricziuns ed obligaziuns per survegnir ina permissiun da cumprar abitaziuns principalas u stabiliments d'interpresas.

Plinavant muntassi la revisiun planisada perfin anc dapli custs per il chantun. Perquai refusa la regenza grischuna cumplainamain la revisiun da la Lex Koller.

RR novitads 12:00

Tge è la «Lex Koller»

Arnold Koller, anteriur Cusseglier federal
Legenda: Arnold Koller, anteriur Cusseglier federal Keystone

Quai è ina lescha svizra che regla ch'il plaun svizzer na vegnia betg surpopulà dad esters. Ella restrenscha la pussaivladad da cumprar immobiglias svizzras ad esters.

Il num da la lescha vegn da l'anteriur Cusseglier federal, Arnold Koller ch'era Cusseglier naziunal durant elavurar la lescha.