Siglir tar il cuntegn

Header

cuntegn

Chantun «La regenza duai s’engaschar per La Quotidiana»

La gasetta «La Quotidiana» daventa tema en il Cussegl grond: Il deputà Aurelio Casanova fa ina dumonda a la regenza en la sessiun da zercladur. Quai ha el confermà sin dumonda da Radiotelevisiun Svizra Rumantscha.

Aurelio Casanova deplorass sch'i na dess betg pli «La Quotidiana» la fin da l'onn, sco quai che la Somedia smanatscha. Perquai vul il deputà da la PCD e president communal da Glion tutgar il puls a la regenza grischuna. El dumonda concret:

  • Quant fitg è la regenza interessada vid ina gasetta rumantscha?
  • Vesa la regenza la necessitad d'ina gasetta rumantscha en il Grischun?
  • Tge pussaivladads d'in sustegn finanzial vesa la regenza?

Sia dumonda inoltrescha el durant la proxima sessiun dal Cusseg grond, che cumenza ils 12 da zercladur. Ina resposta dat la regenza a scrit - dentant pir suenter la sessiun.

audio
Bunura: «La Quotidiana» – Aurelio Casanova fa dumonda a regenza
ord Actualitad dals 06.06.2017.
laschar ir. Durada: 2 minutas 52 Secundas.
I na va betg mo per ina gasetta - i va per la cultura rumantscha.
Autur: Aurelio Casanova Deputà da la PCD

«I saja impurtant che la Rumantschia haja era vinavant ina gasetta, pertge uschiglio giaja la lingua scritta a perder», argumentescha Aurelio Casanova. Tenor el avess il chantun Grischun la pussaivladad da sustegnair finanzialmain «La Quotidiana» via la promoziun da lingua e cultura.

Tractativas davos las culissas

Sut il timun da la Lia Rumantscha vegn contractà davos las culissas surtut per evitar la fin da «La Quotidiana» gia la fin da l'onn. La Lia Rumantscha è en discurs cun l'Uffizi federal per cultura ed il chantun Grischun.

Era la politica federala sto sa fatschentar cun la gasetta rumantscha: Martin Candinas (PCD) ha inoltrà in'interpellaziun en il Cussegl naziunal.

RR actualitad 07.00

Artitgels legids il pli savens