La populaziun duai sa sentir segira

Il cusseglier guvernativ surpiglia cun onur il post da president da la regenza Grischuna. En spezial sa legra el d’astgar manar las sesidas emnilas da la regenza. In auter punct culminant saja per el la sessiun dal favrer.

cusseglier guvernativ Christian Rathgeb

Legenda da maletgs: Christian Rathgeb presidiescha quest onn la regenza grischuna. rtr

Paisa speziala metta Christian Rathgeb sin 2 temas. Per ina saja fitg impurtant ad el, che la populaziun sa sentia segira. Da l’autra vart vegni la regenza a s’occupar intensivamain cun il svilup economic dal chantun.
Christian Rathgeb era vegni elegì il zercladur 2015 sco president da la regenza. El succeda a Martin Jäger. La nova vice-presidenta è Barbara Janom-Steiner.