Siglir tar il cuntegn

Header

cuntegn

Chantun La PLD va sulet cun Rathgeb en il cumbat electoral

Sper Christian Rathgeb na tschenta la partida liberaldemocratica grischuna nagins auters candidats per las elecziuns da regenza 2018.

La partida liberaldemocratica dal Grischun desistia explicitamain d'ina candidatura dubla. Christian Rathgeb, il cusseglier guvernativ actual, haja fatg entant uss fitg bain sia lavur, e la finamira saja ch'el vegnia reelegì cun in bun resultat, scriva la PLD dal chantun Grischun.

audio
Saira: Pertge be in candidat per la regenza? Bruno Claus declera.
ord Actualitad dals 12.09.2017.
laschar ir. Durada: 1 minuta 51 Secundas.

È la PLD forsa memia pauc curaschusa?

Bruno Claus, il president da la partida na lai betg carmalar or arguments e strategias daco che la pli gronda francziun dal Cussegl Grond na vul betg empruvar da cumbatter per il segund sez. La PLD veglia ir be cun in candidat en las elecziuns da la regenza, sco quai ch'ella haja er fatg ils ultims onns.

Carussel va adina pli plaun

Entant va il carussel da speculaziuns per las elecziuns da la regenza adina pli plaun. L'emprim ha la PS annunzià lur candidat Peter Peyer, lura ha la PBD proponì sco candidats lur cusseglier guvernativ actual Jon Domenic Parolini sco er il deputà Andreas Felix. Pli tard ha la PCD tradì ch'ella less trametter sper il cusseglier guvernativ actual Mario Cavigelli er Marcus Caduff en il cumbat. Resta pia be anc ina speculaziun averta: Tgei fa la PPS? Vul era ella trametter ina candidata ubain in candidat en il cumbat?

RR novitads 16:00

Artitgels legids il pli savens