Siglir tar il cuntegn

Chantun La «Gruppa Luf Svizra» cunter sajettar lufs al Calanda

Cunter il plan da sajettar giu dus lufs dal triep dal Calanda ha la «Gruppa Luf Svizra» rimnà 10'000 suttascripziuns entaifer 10 dis. «La Gruppa Luf Svizra» pretenda da renunziar da sajettar giu 2 lufs.

Lufs giuvens dal triep dal Calanda.
Legenda: Ils giuvens lufs dal triep dal Calanda il 2014. Keystone

Avant curt avevan ils chantuns Grischun e Son Gagl tramess ina dumonda a Berna al departament federal dal ambeint per pudair sajettar dus lufs ed uschia spaventar il triep da lufs dal Calanda davent dal territori abità.

Els hajan rimnà las suttascripziuns per la petiziun entaifer 10 dis scriva la «Gruppa Luf Svizra» en ina communicaziun a las medias. La petiziun pretenda da desister da las sajettadas. Questas vuschs ed ils fatgs novs sco las plazzas da pavel, che saja avant maun, stoppian vegnir resguardadas en las decisiuns. La «Gruppa Luf Svizra» vul uss surdar als chantuns Grischun e Son Gagl la petiziun.

RR novitads 15:00