Il president da l’Uniun sindicala dal chantun Grischun, Simon Suter, è cunter la refurma. Ils lavurers ed ils emploiads stuessan la finala pajar dapli taglia tar in «gea» a la refurma.
Gnanc 12% da la taglia dal chantun vegn d’interpresas
La refurma da taglia sin interpresas III purtass in avantatg sulet a las interpresas mesaunas. A las persunas privatas ed a las interpresas pitschnas cun gudogns bass purtass la refurma dischavantatgs. Oz pajan las interpresas strusch 12% da la taglia totala dal chantun Grischun, ha ditg Suter.
Gist la gulivaziun da finanzas è il motiv per sustegnair la refurma
Sco ch'il president da l’Uniun d’economia grischuna, Jürg Miche, ha ditg porta gist la gulivaziun da finanzas l’argument principal per sustegnair la refurma da taglia sin interpresas III.
Tar in «na» ils 12 da favrer dess quai ina gronda malsegirtad tar tut las interpresas. Sche grondas holdings en il chantun Turitg bandunassan alura la Svizra, avess quai in'influenza directa sin la gulivaziun da finanzas, ed uschia era sin il chantun Grischun. Perquai ha la refurma da taglia sin interpresas III plitost influenzas indirectas per il chantun Grischun, è Michel persvas.
RR actualitad 12:00