Siglir tar il cuntegn

Header

Navigaziun

Il comité grischun NA a la refurma sesa davos maisa, Simon Suter, Christina Bucher-Brini, Gion Flurin Alig, Enea Baselgia
Legenda: Comité grischun NA a la refurma da taglia sin interpresas Da sanester: Enea Baselgia, Simon Suter, Christina Bucher-Brini, Gion Flurin Alig RTR, Angela Hendry
cuntegn

Chantun La classa mesauna vegn sut las rodas

Taglias bassas carmalan interpresas da l’exteriur en Svizra. Questas taglias èn dentant scumandadas. Uschia ha il parlament elavurà ina refurma che stritga la taglia per interpresas da l’exteriur, che pretenda dentant dals chantuns da sbassar taglias per interpresas. Ils adversaris èn alarmads.

Senza sbassar las taglias svaneschian las interpresas grondas da la Svizra, dian ils adherents, ils adversaris èn dentant persvadì, che la classa media stoppia pajar las 3 milliardas francs che sa resultan da la refurma.

Il Grischun perda il pli bler

Sche la refurma vegn acceptada perda il Grischun 13 milliun francs ad onn, di Simon Suter, president da l’uniun sindicala grischuna. Profitar profitassan dentant mo las interpresas grondas. Las consequenzas da la refurma da taglia sin interpresas III sentian sur tut la classa media e la classa inferiura, è la socialdemocrata Christina Bucher-Brini, deputada en il Cussegl Grond e cussegliadra da mammas persvasa. Ils paupers daventian pli paupers, cun pajar dapli taglia, survegnir pli paucas reducziuns ed avair damain servetschs a disposiziun. Spargnà vegniss tar l’educaziun, la cultura, la polizia, las vias, il traffic public e la sanadad.

Nua è la resistenza?

Tenor l’emprim barometer da votaziuns da la SRG SSR avessan mo 35 pertschient ditg NA a la refurma il december, 50 pertschient avessan ditg GIE. Daco na sa resenta il simpel burgais betg, sch’el vegn uschia sut las rodas? Il tema n’haja betg survegnì blera attenziun mediala, di Bucher-Brini. Ella speria che quai sa midia anc. E Simon Suter, president da l’uniun sindicala grischuna agiunta, che la populaziun, sur tut ils Svizzer-tudestgs, crajan memia bler da las associaziuns economicas.