Siglir tar il cuntegn

Header

cuntegn

Chantun «La birocrazia e las leschas impedeschan las interpresas»

L’Uniun d’artisanadi e mastergn dal Grischun ha elegì in nov president. Suenter 12 onns en uffizi demissiunescha Urs Schädler. Il nov president Herbert Stieger è vegni elegì a la radunanza da delegads senza cuntravusch.

Las sfidas per las interpresas pitschnas e mesaunas restan las medemas. Cunzunt la birocrazia e las leschas fetschian quitads era al nov president da l’Uniun d’artisanadi e mastergn, ha ditg Stieger. Ma el saja optimistic per il futur, uschiglio n’avessi el betg pudì surpigliar in tal presidi.

La digitalisaziun sco schanza

Per el che vegnia ord la branscha da l’informatica sajan ils temas sco digitalisaziun u rait a spectrum lartg temas centrals ch’era l’Uniun d’artisanadi e mastergn na vegnia betg d’evitar da tractar ils proxims onns. Per part sajan ins qua sin buna via, ha ditg Stieger en ses pled.

audio
Bunura: Herbert Stieger, il nov president da l'Uniun da mastergn
ord Actualitad dals 03.05.2018.
laschar ir. Durada: 1 minuta 57 Secundas.

Las sfidas grondas sajan tuttina da procurar per pli pauc birocrazia e leschas che n’impedeschian betg las interpresas.

L'uniun d'artisanadi ed ils cartels en Engiadina

Era part da l'Uniun d’artisanadi e mastergn dal Grischun fa la Societad grischuna dals impressaris constructurs. Las renfatschas da cunvegnas da pretsch na dastgian ins betg ignorar, ha ditg Steiger sin dumonda. L’uniun na vesa però il mument nagin basegn d'agir cunter sia commembra, la Societad grischuna dals impressaris – en connex cun il scandal da cunvegnas da pretschs.

Ina consequenza persunala ha il scandal da cunvegnas da pretsch tuttina. Roland Conrad è, sco annunzià sa retratg da la suprastanza da l’Uniun grischuna d'artisanadi e mastergn. L'emna passada era el gia sa retratg per immediat ord la suprastanza da la Societad grischuna dals impressaris. Tenor il whistle-blower Adam Quadroni vala Roland Conrad sco in dals tirafils da las cunvegnas da pretsch en la branscha da construcziun en l'Engiadina.

RR actualitad 07:00

Artitgels legids il pli savens