Siglir tar il cuntegn
cuntegn

Chantun L’uvestgieu da Cuira survegn sustegn dad ina dunna

L’uvestg Vitus Huonder ha nominà a Donata Bricci (46) sco nova chanceliera da l’uvestgieu. Cun ella surprenda per l’emprima giada ina dunna en l’uvestgieu da Cuira il post da chancelier, scriva l’uvestgieu en ina communicaziun a las medias.

Portrait
Legenda: L'emprima chanceliera da l'uvestgieu – Donata Bricci (46) cumenza en avust ses uffizi nov. mad

Donata Bricci ha fatg a Puntina/Innsbruck (A) in studi da translatura. Ella ha lavurà suenter otg onns en il secretariat general dal Cussegl da las conferenzas episcopalas europeicas. Dapi il 2013 lavura ella en il ordinariat episcopal a Cuira.

L’avust da quest onn surprenda ella l’uffizi da ses antecessur Alfred Schriber, che chala da lavurar or da motivs da vegliadetgna. Schriber lavura dapi il 1986 en differentas funcziuns en l’ordinariat. Ils ultims sis onns era el chancelier.

RR novitads 15:00

Tge fa la chanceliera?

La lezia da la chanceliera da l'uvestgieu è da rediger e publitgar las actas da la curia e da tgirar, ch’ellas vegnan archivadas. En pli è la chanceliera u il chancelier notar ecclesiastic. Quai scriva l’uvestgieu. Donata Bricci cumenza il prim d’avust.