Siglir tar il cuntegn

Chantun L'avegnir da la ITG è intschert

La ITG, la cuminanza d’interess dal turissem grischun, è dapi il december 2014 vidlonder dad ir sur ils cudeschs.

Legenda: Tadlar il audio «Bunura: Turissem: co vinavant cun la cuminanza d'interess ITG?». Durada 1:49 minutas.
1:49 min, Actualitad dals 11.08.2015.

Suenter che l’organisaziun che coordinescha las activitads politicas en chaussa turissem ha fatg naufragi a las ultimas votaziuns (NA als gieus olimpics, NA a la lescha da turissem) saja quai stà necessari da far quai, ha ditg Jürg Michel, il vicepresident da la cuminanza d’interess.

Novas vias, novas strategias

En pliras gruppas da lavur sajan els vidlonder d’elavurar novas vias, novas strategias. Cunquai che las discussiuns na sajan anc betg terminadas, hajan els era spustà la radunanza generala che fiss stada planisada la primavaira. Michel quinta dentant da pudair far la radunanza generala l’atun e da lura pudair preschentar là la nova strategia sco era ina persuna ch’è pronta da surpigliar il presidi.

L’anteriur president da l’ITG, Jon Domenic Parolini, ha stuì dar giu ses post perquai ch’el è vegnì elegì en la regenza grischuna.