Siglir tar il cuntegn

Header

Video
Ernst Bromeis cun cudesch davart l'impurtanza da l'aua
Or da Telesguard dals 21.11.2016.
abspielen
cuntegn

Chantun L’ambassadur da l’aua daventa filosof

L'Engiadinais Ernst Bromeis ha traversà tut ils lais dal Grischun e da la Svizra, el è nudà lung il Rain da la funtauna enfin en la Mar dal Nord. Uss preschenta il nudader extrem regurdientschas, infurmaziuns e ponderaziuns en il cudesch «Jeder Tropfen zählt».

Dapi ch’el ha decidì avant bunamain diesch onns da laschar sia plazza da lavur e da deditgar ses temp a l‘engaschi per l’aua, ha Ernst Bromeis passentà puncts culminants, ma er critica e muments da dischillusiuns.

En il nov cudesch lascha el reviver sias expediziuns e discurra da sia motivaziun per prender sin sai tals strapatschs. El sa mussa eir critic invers ses progets. Èsi forsa in pau naìv da siglir en l’aua fraida? Dovra l’aua vairamain in ambassadur? Na fissi betg pli scort da fabritgar bigls u cisternas en l’Africa?

Ernst Bromeis è infectà da la passiun per l’aua. Ils muments il pli intims dal cudesch èn quels nua che l’autur descriva il nodar en l’aua. Là sent’ins sia fascinaziun per quist element che ha sia atgna olma.

RR actualitad 11:00