Siglir tar il cuntegn
Inhalt

Chantun Integraziun en scola vegn pli flexibla – ma betg per tuts

Il sistem d’integraziun en la scola grischuna duess vegnir flexibilisà. Il Cussegl grond ha approvà cun 66:45 vuschs e sis abstenziuns ina proposta dal deputà Gian Michael (PBD/ Donat).

In uffant scriva sin ina tavla da scola.
Legenda: Legastenia è in disturbi da leger e scriver - qua sin in purtret simbolic. Keystone

Gian Michael aveva argumentà, che las vischnancas hajan memia paucas cumpetenzas areguard la purschida da pedagogia speziala sin il livel bass sco per exempel en cas da legastenia. L’integraziun en scola laschia explodir ils custs per las vischnancas.

Il sistem integrativ prevesa, ch’uffants cun levs basegns spezials vegnan integrads en classas regularas. Da nov pon las vischnancas decider, schebain ils uffants duessan vegnir integrads u separads.

RR novitads 17:00