Siglir tar il cuntegn

Header

cuntegn

Chantun Inscriver il Museum d’art per rumantsch vul ses temp

Per il mument è il Museum d'art dal Grischun a Cuira mo inscrit per tudestg. Dentant duai la fatschada era vegnir inscritta per rumantsch e talian. Sin las fatschadas dal Museum d'art a Cuira duai quai dar inscripziuns en tuttas trais linguas chantunalas. Però quai è pli spert ditg che fatg.

L’inscripziun n'ha betg gì emprima prioritad, declera l'architect dal chantun Markus Dünner. Impurtant saja stà ch’ins haja pudì avrir las portas dal Museum d'art la fin da fanadur. Uss hajan ins dentant il temp per s'occupar da l'inscripziun.

audio
Bunura: Museum d’art e las inscripziuns novas
ord Actualitad dals 13.07.2016.
laschar ir. Durada: 2 minutas 34 Secundas.

Il motiv daco che l'inscripziun da la fatschada eè vegnida fatga be per tudestg è perquai ch'ì sa tractia dal logo dal museum d'art.

Ina soluziun concreta n'è anc betg sin maisa

Per ina han ins diversas ideas per l'inscripziun – las qualas che Markus Dünner na vul anc betg tradir. Probabel è però ch'i dettia da mintga vart dal museum d'art l'inscripziun en in'autra lingua.

E per l’autra han da seser ensemen tut las persunas involvidas. Quai vegn ad esser il cas pir suenter las vacanzas da stad. Lura possian ins era dir dapli davart las inscripziuns vi da la fatschada dal museum, uschia Dünner.

RR actualitad 08:00

Artitgels legids il pli savens