Siglir tar il cuntegn
cuntegn

Chantun Iniziativa per ina chatscha etica in cas per la dretgira

En la sessiun d’october aveva il Cussegl grond decis che «l’iniziativa per ina chatscha etica» saja per part nunvalaivla. Ils iniziants han uss fatg recurs cunter questa decisiun tar la dretgira administrativa chantunala.

In chatschader cun sia preda.
Legenda: La chatscha sin tschiervs il november duai vegnir scumandada. Keystone

L’advocat dals iniziants per ina chatscha etica ha confermà quai envers il schurnal regiunal da radio SRF.

En sia sessiun d’october aveva il Cussegl grond declerà trais puncts sco nunvalaivels:

  • La protecziun da vatgas tschierv purtantas e cun vadè, sco er la protecziun da chauras chavriel ed ils ansiels chavriel.
  • Ina protecziun dals animals l’enviern ed uschia in scumond da la chatscha supplementara a partir dal emprim da november per tschiervs.
  • Sco era ina represchentanza paritetica da protecturs dal ambient, da chatschaders e betg chatschaders tar l’Uffizi chantunal da chatscha e pestga.

Nagins da quests puncts cuntrafan al dretg federal

Sco ils iniziants han laschà savair na cuntrafetschian nagins dals trais puncts al dretg federal. Suenter l’iniziativa cunter ina chatscha supplementara sto la Dretgira administrativa dal Grischun uss era sa fatschentar cun la segunda iniziativa da chatscha e giuditgar la valaivladad da questa iniziativa.

RR novitads 20:00