Iniziativa per chatscha etica saja valaivla

L'iniziativa «Per ina chatscha etica ed adattada a la natira» saja valaivla. Quai è il resultat d’in parairi giuridic ch'ils iniziants han laschà far.

In tschierv.

Legenda da maletgs: Il Cussegl grond vegn probablamain a tractar l’iniziativa l’october 2016. Keystone

Sco quai che l'Agentura da Novitads Rumantscha citescha il giurist Michael W. Kneller, correspundian las finamiras dals iniziants al dretg chantunal e federal.

En favur dals animals

Tenor il comité d’iniziativa duai la protecziun dals animals star en il center da la discussiun. L'iniziativa vul tranter auter scumandar la chatscha sin vadels ed ansiels u er la chatscha durant l'enviern. Ultra da quai pretenda ella d'introducir muniziun senza plum.

«  D'ina vart vegn sajettà cun plum e donnegià uschia l'ambient, da l'autra vart vegn pretendì ch'ils tschiervs fetschian donns vi dal guaud. Quai è cuntradictori.  »

Marcus Duff
coiniziant da l'iniziativa

Schebain l'iniziativa vegn declerada sco valaivla, decida la finala il Cussegl grond. Quel vegn probablamain a tractar l’iniziativa l’october 2016.

RR novitads 15:00