Siglir tar il cuntegn

Header

cuntegn

Chantun Iniziativa be per part valaivla: In novum en il Grischun

Glindesdi decida il Cussegl grond dal Grischun sur da l’iniziativa cun il titel «Per ina chatscha etica che sa cumporta cun la natira». I vegn decidì sche l’iniziativa saja valaivla u betg.

Probablamain vegn il parlament a decider ch’ella saja be per part valaivla uschia sco la regenza propona en ses messadi. Quai è unic en il Grischun.

Co è quai pussaivel?

Decisiv saja il cuntegn da l’iniziativa, di Walter Frizzoni, il vicechancelier da la Chanzlia chantunala. Sch'ina iniziativa cuntegnia plirs puncts saja quai pussaivel che singuls puncts adempleschian las directivas da la constituziun ed auters betg. Pia voteschia il suveran be sur la part valaivla da l'iniziativa. I saja dentant pussaivel da contestar giudizialmain la decisiun dal Cussegl grond, di Frizzoni.

Sch’ils iniziants da l’iniziativa «Per ina chatscha etica che sa cumporta cun la natira» fan diever da quai dretg, vegn decidì il pli baud glindesdi proxim suenter ch'il Cussegl Grond è sa radunà.

RR novitads 12:00

Artitgels legids il pli savens