Il chor da giuvenils incantanti è quest onn sin viadi sur ils cunfins da la Svizra. A New York en ils Stadis Unids sa preschenta incantanti en la «Carnegie Hall» cun in toc dal cumponist tessinais Ivo Antognini.
Il concert è ils 28 da matg. I saja ina fitg gronda schanza per in ensemble vocal dal Grischun da pudair sa preschentar en la famusa «Carnegie Hall», di il dirigent Christian Klucker.
Cura che jau patratga vid la Carnegie Hall survegn jau pel-giaglina
In program vast per incantanti l'onn 2016
Il chor incantanti consista dad anteriurs scolars da la scola chantunala da Cuira e da scolars actuals. Il mument èn 29 giuvenils cun ina media da vegliadetgna da 18 onns commembers activs dal chor.
Sper il viadi a New York vegn incantanti anc a sa preschentar la fin da l’onn tranter auter a Cuira el restaurant VA BENE, a Northwales (GB), el Zunfthaus zur Waag a Turitg ed en la baselgia evangelica ad Andeer.
RR Actualitad bunura 06:00