Siglir tar il cuntegn

Header

cuntegn

Chantun Ina valitaziun – 10 dis avant las elecziuns

Flavio Bundi, schefredactur e Valentin Schmed, manader actualitad da RTR en il discurs.

Il cumbat electoral ha cunzunt survegnì schlantsch entras ils embrugls enturn ils cartels en la branscha da construcziun en l'Engiadina, la demissiun dad Andreas Felix e la candidatura da Linard Bardill. In cumbat sco tal tranter ils set candidats n'haja quai dentant betg dà, uschia la valitaziun dal schefredactur da RTR Flavio Bundi ed il manader da l'actualitad Valentin Schmed.

audio
Mezdi: Valitaziun da Flavio Bundi e Valentin Schmed 10 dis avant las elecziuns
ord Actualitad dals 31.05.2018.
laschar ir. Durada: 4 minutas 49 Secundas.

D'accord èn els ch'ils trais cussegliers guvernativs da fin qua Mario Cavigelli, Jon Domenic Parolini e Christian Rathgeb vegnian reelegids ils 10 da zercladur 2018. Er che Peter Peyer, il candidat dals socialdemocrats prendia plaz l'auter onn en la Chasa grischa na dubitian els betg.

Per il davos plaz vegni dentant stretg. Valentin Schmed crai plitost ch'il Sursilvan Marcus Caduff fetschia la cursa, cunquai ch'el haja fatg in cumbat electoral solid.

Flavio Bundi dentant è plitost da l'avis che Walter Schlegel da la PPS ertia il sez da la PBD. Quai dentant mo, sch'el vegn da mobilisar ils commembers da la basa ed er da recaltgar vuschs en las valladas dal sid.

RR actualitad 12:00

Artitgels legids il pli savens