Siglir tar il cuntegn

Chantun Ina PUK duai sclerir l'affera da cartel

Cunvegnas da pretsch sajan inacceptablas ed illegalas e perquai duain ils cas da cartel en l'Engiadina vegnir sclerids. En quest senn èn tut ils 6 candidats s'exprimids al podi da discussiun organisà da RTR.

Legende: Video Affera da cartel – i dovra controlla abspielen. Laufzeit 1:52 Minuten.
Or da RTR dals 02.05.2018.

I dovria ina cumissiun d'inquisiziun parlamentara – ina PUK. Quai han sincerà ils sis umens che candideschan per la regenza grischuna: Walter Schlegel (PPS), Jon Domenic Parolini (PBD), Christian Rathgeb (PLD), Marcus Caduff (PCD), Mario Cavigelli (PCD) e Peter Peyer (PS).

Ina cumissiun d'inquisiziun parlamentara vegn instradada per sclerir eveniments extraordinaris – concret: I vegn furmà ina cumissiun che discurra cun perditgas ed experts, studegia las actas e dat silsuenter rapport al Cussegl grond.

Decider davart ina tala PUK ston dentant deputadas e deputads dal Cussegl grond. Pussaivel è quai pia pir durant la proxima sessiun – quella ha lieu gist suenter las elecziuns grischunas dals 10 da zercladur.

RR actualitad 22.00