Ina luffa giuvna oriunda dal triep dal Calanda è sa chasada en Glaruna. Dapi almain mez favrer viva la femella F32 sin il territori da la vischnanca Glaruna Nord, sco ina prova da DNA mussa. Quai han communitgà las autoritads da chatscha glarunaisas. Ses lieu preferì saja tranter Obstalden e Mollis.
7avla giada en roda pitschens al Calanda
Il pèrin al Calanda è anc adina fitg reproductiv. La stad passada èn naschids per la 7avla giada en roda lufs pitschens. Al Calanda viva l'emprim triep da lufs dapi il return dals animals en Svizra, il 1995.
RR novitads 11:00
